منتديات شباب مصر


    انا والبطيييخ وهوااااااك, مع اثامه مشاوير..........

    شاطر
    avatar
    ADMIN
    BIGBOSS
    BIGBOSS

    ذكر
    عدد الرسائل : 2600
    العمر : 28
    البلد : EGY
    مزاجى :
    علم دولتى :
    تاريخ التسجيل : 25/06/2007

    البطاقة الشخصية
    الإسم: Namebuzz
    البلد: EGY
    كورة: اهلى

    جديد انا والبطيييخ وهوااااااك, مع اثامه مشاوير..........

    مُساهمة من طرف ADMIN في السبت سبتمبر 01, 2007 4:06 pm

    .. برنامج .. للحب.. و عن الحب

    مع اوووسامه مشاوير


    الحب
    ذلك الشعور السهلبيسي الذي يزعزغ عقول البشر
    و يهشك قلوبهم


    مستمعينا لسه بنتكلم عن الحب وحلقتنا النهارده عن

    الاستهبال في الحب
    معاكم اسامه منير علي نجوم fm مزيكا علي كيف كيفك

    في.. انا و البطيخ و هواك

    من دلوقتي ولمدة ساعتين
    مستنين تليفوناتكم علي 6066
    او علي 8555022
    او علي ايميل البرنامج
    علي هواك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها



    دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
    و الشعور دا متولد و منبثق من الاحساس التواجدي الكوني في اللامركزيه العصبيه للقلب
    و دايما بتقابلنا مواقف كلها استهبال في الحب
    ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
    وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...



    اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
    تقولك انت بتستهبل يا حبيبي اتلم لساورس يشوفنا



    او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
    و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
    فتضطر تصالحها بكارت ب 5 و تستهبل .. تلاقيها بتصرخ في وشك و تقول
    انت بتستهبل؟؟
    اقل من 200 متورنيش وشك




    و حبيبك اللي ييجي في اوقات يعمل فيها عالم فلك و يقولك انا بقرا الكف
    و يفضل يفعص في كف ايدك ولا كأنه شاف ايدين قبل كدا
    و في الاخر تقوليله
    انت بتستهبل ؟؟ حد يشوفنا
    و انتوا اساسا قاعدين في الشارع
    مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
    وممكن مغص كلوي


    مستمعينا مستني تليفوناتكم علي 6066
    او علي 8555022
    او علي ايميل البرنامج
    علي هواك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها ياما زحلقها




    نستقبل اول اتصال تليفوني و نقول الوو

    الوو


    الووو


    الووووو

    واضح ان الخط قطع

    - الوو ايوا يا اثامه

    اهلا نتعرف بيكي ..

    - بثمه

    اهلا بيكي يا بسمه ياريت تعلي صوتك شويه

    - معلش يا اثامه اثل انا بتكلم من تحت البطنية ..

    مفهوم طبعا عشان محدش يقفشك و انت بتتكلمي
    بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

    - بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
    و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..


    هو بيضحك وفاتح بقه اهوه و بيقولك
    مرسي ليكي يا بسمه


    - يا اثامه انا بكلمك عشان الحلقة بتاعتك النهارده مخثوث عشاني
    انا كنت بحب واحد و انا في 2 ابتدائي و فضلنا نحب بعض للجامعة


    جميل


    - اهـء اهـء اهـء


    لا اهدي يا بسمه و قوليلي ايه اللي حصل

    - يا اثامه اخد كل حاجة كل حاجة

    اححمم
    حتى الموبايل


    - يا اثامه بقولك كل حاجة
    اهـء هـء هـء

    طيب اهدي يا بسمه
    بصي يا بسمه
    الحب شعور متبادل بين اتنين
    مينفعش طرف واحد من غير الطرف الاخر و لازم الاتنين يكونوا متفاهمين و متعاونين
    هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
    برغوته الجديدة حل المشكله
    مستمعينا نسينا نقول ان تايد من رعاة البرنامج
    مع تاااااايد في الغسيل مفيش مستحييل
    بشكرك يا بسمه علي اتصالك و بهديلك اغنية السوبر ستار عمرو دياب ....


    يا قاعدة علي الترعه و بتغسلي المواعين
    جاتك ستين وكسه دا شرفك بقا في الطين




    نص ساعة اعلانات ..




    انا و البطيخ و هواك برنامج للحب و عن الحب
    مع اوووووسامه منير



    الحب
    لحظات من الامل متولدة في وسط غابات الغضب البشري الجارف المتعارض مع احداث الحياة
    فالحياة بدون حب
    كالشجرة بدون موبايل ..

    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



    الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

    هاه ؟؟ عشره رصيد

    طيب اشطه يا حتوم .. اخوك بقا هاه


    نستقبل اتصال تليفوني و نقول الووو

    الووو

    الووو


    الوووووو

    الظاهر الخط قطع

    الوو ايوا يا اسامه

    اهلا نتعرف بيكي
    ياريت تعلي صوتك لان الصوت بعيد اوي

    _معلش اصل انا بكلمك من الحمام
    انا سمر من المنوفية

    اهلا بيكي يا سمر


    سمر بتكلم النهادرة عن الاستهبال في الحب
    انت ايه رأيك في الاتستهبال عامة و خصوصا في الحب

    _اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

    ربنا يخليكي يا سحر ..

    انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

    مين ياسمر ؟؟

    _شلحف هو اسمه شادي بس انا بدلعه شلحف
    قام ضارب الواد اللي عاكسني بالعتله الحديد شاقق له دماغه
    هو دلوقتي في السجن
    و انا بحبه اوي يا اسامه و مش عارفه اعمل ايه
    و اهلي بيضغطوا عليا مووووت مووووت عشان اتجوز واحد قد ابويا
    اسامه انا مش عارفه اعمل ايه

    بصي يا سحر

    _سمر

    اه سوري
    بصي يا سمر
    بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
    و حبيبك بيحبك و ان شاء الله يطلع بالسلامة
    بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القوه و السيخ مظبوط و بالتمام ..

    شكرا يا ساره على اتصالك و بهديلك اغنية السوبر ستار محمد فؤاد


    يا مسجون في لومان طره
    نفسي اكل معاك كوز دره




    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال
    ..



    نص ساعة اعلانات



    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

    اس ام اس كتيرررر جدا النهاردة




    هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون..
    __________________

    هاى يااسامة ازيك يا جميل
    البرنامج جميل جدا وانتة كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
    اصل انا منحرفه و بحب الانحراف ..
    بحبك يا تامر
    قصدي يا جابر
    حبيبتك شاهيناز

    __________________

    هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا
    حتى لو فضلت تقرقض في ضوافر رجليها ببقها ..
    __________________

    هااي يا اسامه ازيك
    يا اسامه عاوز الايميل بتاعك بجد في مواضيع مهمه قوي عندي عاوز الحل ليها .. معلش يا اسامه بليز و الله يا اسامه انا تعبانه موووت و انت الامل الوحيد ليا ..

    __________________

    هااي اسامه يا احلي و اجمل صوت في الدنيا
    اسامه بليز ممكن حلقه عن الحب من طرف واحد اصل اخوك كهربائي سيارات ...
    بحبك مووووت يا سوكا

    __________________

    هااي يا اسامه انت اجمل و احلي صوت في الكون كله
    ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
    خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كله عشان يشمها ..

    __________________

    اسامه اسامه اسامه
    ازيك يا جميل
    على فكره يا عم انت شوفلك حل .. حبيبتى بتحبك
    انا محمدين من دمياط .. بحبك قوى يا رضوى
    __________________

    هاااي يا اسامه ازيك عامل ايه
    انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
    __________________

    هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد
    بحبك يا سندس ااوووي و نفسي اخد الرصيد اللي في موبايلك كله ..

    __________________

    هاااي اسامه ازيك
    انا سنية من القاهرة
    انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
    اسامه انا مش عارفه اعمل ايه انت املي الوحيد
    __________________

    هاااي ا س اس ازيك
    انا عيوشه من شبرا و بحب واحد من الصعيد
    و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
    بحبك يا صميده موووت موت







    الوقت بيمر معاكم بسرعة وقت حلقتنا انتهى و حاتم فرحان مش عارف ليه
    باين البنت بتاعت الدره حولت له رصيد تاني
    كان معاكم اسامة منير علي نجوم اف ام مزيكا علي كيف كيفك
    في انا و البطيخ و هواك من 12 لـ 2
    بشكر كل اللي كلمنا و اللي بتعت ا س ام اس
    مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
    مزيكا علي كيف كيفك

    برعاية



    ان تاتش
    و ماكدونالدز
    و مؤمن
    و اريال و تايد
    خديجه جمال مبارك
    سوزان
    و كنتاكي
    و مصنع كوبايات ام سمير
    و كراسة الاول
    سلاح التلميذ
    سوق الخضار في السبتيه
    مصنع كريمات ام وائل
    كوافير ام ابراهيم للسيدات و قسم خاص للمحجبات
    مزرعة دواجن او احمد لتسمين العجول
    النادي الاهلي و الزمالك
    اديداس و بوما و نيكي و لوتو و امبروو
    اميجو كوتشي بينور
    امريكانا الجودة
    لانشون حلواني الإخوان
    منظمة التحرير الفلسطينية
    مجلس الشعب
    سمنة الهانم




    mohamed tantawy
    عضو جديد
    عضو جديد

    ذكر
    عدد الرسائل : 26
    تاريخ التسجيل : 30/08/2007

    البطاقة الشخصية
    الإسم:
    البلد:
    كورة:

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف mohamed tantawy في الأحد سبتمبر 02, 2007 8:30 pm

    ههههههههههههههههه موضوع جامد موت والله برنامج اسامة منير دة هبل فى هبل زى مانت قولت كدة بيقعد يهيس وبس وكل الناس بيصدقوة
    avatar
    last love
    BIGBOSS
    BIGBOSS

    ذكر
    عدد الرسائل : 747
    العمر : 30
    البلد : egy
    مزاجى :
    علم دولتى :
    تاريخ التسجيل : 01/07/2007

    البطاقة الشخصية
    الإسم: last love
    البلد: egyptawey
    كورة: اهلى

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف last love في الأحد سبتمبر 02, 2007 9:43 pm

    هههههههههههههههههههههههههههههههههههههههه
    حلوه قوي ميه الميه
    تسلم ايديك والكيبورد بتاعك


    _________________


    avatar
    tota
    عضو جامد
    عضو جامد

    انثى
    عدد الرسائل : 612
    العمر : 28
    مزاجى :
    تاريخ التسجيل : 24/07/2007

    البطاقة الشخصية
    الإسم: توتا
    البلد: شور فروم ايجيبت ذا مازر اوف الدنياااااا
    كورة: اهلى

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف tota في الإثنين سبتمبر 03, 2007 1:08 am

    ههههههههههههههههههههههه والله موضوع ذى العسل
    ودمه خفيفMad
    avatar
    حفيد رسول الله
    عضو جامد طحن
    عضو  جامد طحن

    ذكر
    عدد الرسائل : 432
    العمر : 28
    البلد : mansoura
    مزاجى :
    تاريخ التسجيل : 02/09/2007

    البطاقة الشخصية
    الإسم: مصطفى
    البلد: المنصورة
    كورة:

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف حفيد رسول الله في الإثنين سبتمبر 03, 2007 3:19 pm

    الصراحه الموضوع مش قد كده اوى
    عالعموم كويس برده
    الحب شىء جميل جدا وهوه فطره للانسان
    المهم يكون صادق
    وربنا يوفق كل اتنين بيحبوا بعض
    وشكراااااااااااااااااااااااااااااا
    عالموضوع يا سيدى
    والسلام عليكم
    avatar
    ADMIN
    BIGBOSS
    BIGBOSS

    ذكر
    عدد الرسائل : 2600
    العمر : 28
    البلد : EGY
    مزاجى :
    علم دولتى :
    تاريخ التسجيل : 25/06/2007

    البطاقة الشخصية
    الإسم: Namebuzz
    البلد: EGY
    كورة: اهلى

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف ADMIN في الثلاثاء سبتمبر 04, 2007 1:06 am

    ههههههههههههههه ايوالله انا بحس لما اسمع اسامة منير انى راكب فيل وحاطط ريشة كأنى هندى lol!


    asia
    عضو جديد
    عضو جديد

    انثى
    عدد الرسائل : 21
    العمر : 32
    تاريخ التسجيل : 23/10/2007

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف asia في الجمعة نوفمبر 02, 2007 9:50 pm

    هههههههههههههههههههه
    ههههههههههههههههههه
    avatar
    renada
    عضو جامد
    عضو جامد

    انثى
    عدد الرسائل : 808
    العمر : 25
    مزاجى :
    تاريخ التسجيل : 06/07/2008

    البطاقة الشخصية
    الإسم: renada
    البلد:
    كورة: اهلى

    جديد رد: انا والبطيييخ وهوااااااك, مع اثامه مشاوير..........

    مُساهمة من طرف renada في الجمعة أغسطس 29, 2008 5:58 am

    ههههههههههههههههههههههههههههههههههههه

    بصوا انا هعترف بحاجة

    انا بسمع اسامة منير

    بس بفضل طول الحلقة اضحك ع الهطل اللى الناس دى عايشة فيه

    ربنا يكون فى عونهم ويقدرهم ع دماغتهم

    بس يا شيخ حرام عليك انت لسه فاكر كوتشي اميجو اللى بينور

      الوقت/التاريخ الآن هو الخميس نوفمبر 23, 2017 8:18 pm