منتديات شباب مصر


    تطور فكرة الزواج فى مصر وبالشكل دة مش هنتجوز خالص

    شاطر
    avatar
    ADMIN
    BIGBOSS
    BIGBOSS

    ذكر
    عدد الرسائل : 2600
    العمر : 28
    البلد : EGY
    مزاجى :
    علم دولتى :
    تاريخ التسجيل : 25/06/2007

    البطاقة الشخصية
    الإسم: Namebuzz
    البلد: EGY
    كورة: اهلى

    default تطور فكرة الزواج فى مصر وبالشكل دة مش هنتجوز خالص

    مُساهمة من طرف ADMIN في السبت أغسطس 09, 2008 1:44 pm

    مصر الفرعونيه: 313:

    - بابا انا عايز اتجوز اختى حت حور
    - خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية .. مبروك يا تاح
    ............ ......... .....
    مصر فى عصر الرومان:31 3:

    - تتجوزينى يا افروديت
    - اتجوزك يا بانسيلوس
    - يللا بينا نبنى كوخ ع البحر ونعيش ه***
    - يللا
    ............ ......... .......
    مصر بعد الفتح الاسلامى:3 13:

    - ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير
    - والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم " ان جاءكم من ترضون دينه وخلقه فزوجوه " .... قيموا الافراح
    ............ ......... ......
    مصر 1919

    - انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
    - طب مش اشوفها الاول يا با
    - انت اتجننت يا ولد تشوفها ده ايه .. انت ح تتجوز والا تخبص
    - حاضر يا با
    ............ ......... ........
    مصر 1960

    - بقى يا ستى بنتك آمال جالها عريس
    - ياألف نهار ابيض يا ألف نهار مبروك
    - جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
    - الرأى رأيك يا أبو العروسة .. والله العيال ح يعجزونا يا ابو محمد
    - فشر .. تدبل الوردة وريحتها فيها يا نرجوستى
    ............ ......... .........
    مصر فى عصر الانفتاح:3 13:

    - اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو
    - بس يا ماما
    - ما فيش بس .. انا وابوكى قبل ما يموت فى الحرب كانت بتعدى علينا ايام ما بنلاقيش ***ل .. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتك
    - بس انا مش بحبه يا ماما
    - الحب ما بيأكلش تونة فى الزمن ده يا فالحة
    - امرك يا ماما
    ............ ......... ...
    مصر 2006

    المشهد الاول

    نهار خارجى ... احد الكافيتريا ت المغلقة ... موسيقى هادئة تملا المكان

    حسن : يا حبيبتى انا مرتبى 250 جنية بعد الضرايب والمستنقعا ت .. وبعد الشغل بحاول اعمل اى مصلحة يعنى باصفى فى الشهر حوالى 400 450 ... وما عنديش شقة ومش محوش ولا مليم .... اهلك عمرهم ما ح يوافقوا بيه

    احلام : ياحسن يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها

    حسن : انتى شايفة كده ... ماشى .... حددى لى ميعاد مع باباكى الجمعة الجاية الساعة 6
    ............ ......... ......... ......... ..

    المشهد الثانى

    فى منزل احلام ... منزل قديم .... فرش متواضع جدا .. يجلس الاب الذى يبلغ من العمر الثالثة والستين .... وبجواره العم 55 عاما ... والخال 56

    الخال : منورنا والله يا استاذ حسن
    حسن : ده نورك يا عمى
    الاب : فين الشاى يا ام احلام
    ام احلام من بعيد : جاية اهه يا ابو احلام

    الاب : ها يا ابنى .. ح تدفع كام وتشيل
    حسن : اللى تأمر بيه يا عمى
    الاب : الامر لله يا ابنى .. احنا مش طالبين كتير .. شقة تمليك فى اى حتة تكون نضيفة .. ومهر 25 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد وحاجة المطبخ والستاير والذى منه .. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى .. مش كده والا ايه يا ام احلام
    ام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة اللى جايبهالها معاه وهو جاى من السفر
    الاب : اما الفرح فى قاعة صغيرة بس طبعا لازم تساع الحبايب واحنا حبايبنا كتير .. والقايمة والمؤخر طبعا انت سيد العارفين .. وفى الاول والآخريا ابنى .. احنا بنشترى رجالة
    حسن : بس يا عمى انا ممعاييش المبالغ اللى حضرتك بتتكلم فيها دى
    الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة .. امال عايز تاخدها رخيصة والا ايه؟
    حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور .. وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخص
    الاب : قصدك ايه؟
    حسن : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب تليفزيون .. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .. وحضرتك ممكن تاخد رايها على الكلام ده
    الاب : انت جاى تشتمنى والا ايه ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلط

    حسن : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس مش عايشة فيه .. وبعدين هو مش حضرتك مصرى برضه .. يبقى انا ما جتش غلط .. انت اللى قاعد غلط وبتتكلم غلط فى غلط
    الاب : احترم نفسك يا ولد
    حسن : بلا احترم نفسى بلا نيلة بقى .. احترموا انتوا ظروفنا اللى انتوا حطتونا فيها .. احترموا انتوا دينكم اللى بتعتقدوه وبتعلموهول نا .. احترموا انتوا عقولنا بكلامكم اللى مالوش اى علاقة لا بالعقل ولا بالواقع
    الاب : اطلع برة .. ده انا عمرى ما حاجوزهالك حتى ولو على جثتي
    حسن : حتى دى كمان غلط .. ولا تمت للحقيقة بصله .. والحدق يفهم .. سلامو عليكو
    ............ ......... ..
    يخرج حسن من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمول
    حسن : ايوة
    احلام : ايه يا حسن اللى انت هببته مع بابا ده
    حسن : بابااااااا ااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتر
    احلام : ايه يا حسن الكلام ده انت بتغلط فيه .. طب وانا ذنبى ايه .. انا مش عايزة فلوس ولا دهب ولا حتى غسالة عادية .. هاتلى طشت ياحسن .. هاتلى قلة .. مش عايزة غير عشة وانسان احبه ويخاف علية واخاف عليه .. واظن ده من حقى انا مش مراهقة ولا طفلة .. انا عندى سبعة وعشرين سنة ...يعنى اقدر اتحمل مسؤلية قرارى .. واختار الانسان اللى ح يعيش معايا حياتى كلها تحت سقف واحد ... اهىء اهىء اهىء
    حسن : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودة
    احلام : طب وح نعمل ايه دلوقت
    حسن : العمل عمل ربنا اللى مايرضيهوش اللى بيحصل ده .. ده حتى حرام وظلم وافترا
    احلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوز
    حسن : لا اااااااا .. انا فى عرضك .. الا ما الحقش انقذك وتروحى فيها .. وبعدين كده تبقى روميو وجولييت .. وانا ما ينفعش انهى القصة عليها .. ستين واحد ح يخش يقولى يا حرامى .. دى نهاية مفقوسة وقديمة حتى اسأل جدو شكسبير
    احلام : طب ح نعمل ايه يا حسن؟
    حسن : العبى فى دماغ ست الكل مامتك وهيا تظبطلنا الموضوع
    أحلام : مش عارفة اكلمها ازاى
    حسن : طبعا يسمعها كلمتين حلويييين علشان تتشجع
    أحلام : ماما ست الكل انتى من حق محكتيليش حكايتك مع بابا اتعرفتوا ازاى
    ام أحلام : والله انا قابلتة فى اتوبيس وكان هو الكمسري وأخد مني فلوس التذكرة ولما ضحكتلة أدانى الدفتر كله
    وبعدين اتعرف عليا وجه خطبنى
    أحلام : طب يا ماما وهو كان جاهز
    أم احلام : ولا كان جاهز ولا كان منيل
    اللى فاكراه انه كان محلتوش اللضا
    أحلام : طب متخلصيلى الموضوع ده يا ماما
    كلميه
    دلعيه
    ظبطى الراجل يا فاطمة يا ست الكل خليكى تخلصوا منى وتستريحوا

    بس كده
    ولاهخليه يدوق الاكل ولا الشرب ولا هدمة تتغسل ولا فى اى حاجة فى الدنيا والليله دى سودة على دماغة لحد لما اشوفك فى بيت العدل
    والزغاريييييييي ييييييط طبعا فى سرها

    أحلام : خلااااااااااااا ااااااااااااااا اااااااااص .......يعنى هاتجوز





    avatar
    حفيد بناة الأهرامات
    عضو شغال
    عضو شغال

    ذكر
    عدد الرسائل : 111
    العمر : 28
    مزاجى :
    علم دولتى :
    تاريخ التسجيل : 17/03/2008

    البطاقة الشخصية
    الإسم: أحمد
    البلد: عروس الدلتا
    كورة: اهلى

    default رد: تطور فكرة الزواج فى مصر وبالشكل دة مش هنتجوز خالص

    مُساهمة من طرف حفيد بناة الأهرامات في السبت أغسطس 09, 2008 9:13 pm

    ياريت هيا كانت تخلص علي الجواز يا دك
    ربنا يجيب اللي فيه الخير ويسعد كل انسان
    avatar
    nesmt hawa
    عضو جامد طحن
    عضو  جامد طحن

    انثى
    عدد الرسائل : 403
    العمر : 17
    مزاجى :
    علم دولتى :
    تاريخ التسجيل : 05/07/2007

    البطاقة الشخصية
    الإسم: NESMT HAWA
    البلد: كوكب المريخ قبل بلوتو تانى شارع على ايدك اليمين او الشمال
    كورة: مش بشجع كورة اصلا

    default رد: تطور فكرة الزواج فى مصر وبالشكل دة مش هنتجوز خالص

    مُساهمة من طرف nesmt hawa في الأحد أغسطس 10, 2008 1:30 pm

    هههههههههههههههه هو ده التطور الطبيعى للحاجه الساقعه Very Happy
    قصه حلوه قوى بس اكيد ليها بقيه احنا معرفناش اتجوزا ولا لا لازم تكملهلنا


    _________________




    avatar
    el_fr3oon
    مراقب عام
    مراقب عام

    ذكر
    عدد الرسائل : 4050
    العمر : 28
    البلد : ام الدنيا مصر
    مزاجى :
    علم دولتى :
    تاريخ التسجيل : 07/07/2007

    البطاقة الشخصية
    الإسم: الفرعون يويو(يحيى زكريا)
    البلد: طبعا المنصوره عروس النيل فى ام الدنيا مصر
    كورة: اهلى

    default رد: تطور فكرة الزواج فى مصر وبالشكل دة مش هنتجوز خالص

    مُساهمة من طرف el_fr3oon في الأحد أغسطس 10, 2008 9:39 pm

    البقيه يا جماعه ان الزواج الان بقى ب 3 الاف جنيه يقدموا الى الماذون الى هيعقد العقد
    يعنى حد ناوى يتجوز
    قصدى يكع
    يوه
    قصدى يدفع


    _________________
    الحب والحزن والجرح زائل بينما_الدمع والفرح والعمر لن يعوض_فان كنت ادمعت دمعه على شخص لا يستحقها_فبم تفيد النجوى وامرى الى الله مفوض_والفرح امام عينى يمر متسلسلا فكيف_لم يراه قلبى كيف والعين لم تغمض_والعمر كله لحظه فهل ابخل به عن وطن_حبيب ودين قويم هم له طالبون وهم خير معوض
    (فرعون الرومانسيه_يويو)

    avatar
    ADMIN
    BIGBOSS
    BIGBOSS

    ذكر
    عدد الرسائل : 2600
    العمر : 28
    البلد : EGY
    مزاجى :
    علم دولتى :
    تاريخ التسجيل : 25/06/2007

    البطاقة الشخصية
    الإسم: Namebuzz
    البلد: EGY
    كورة: اهلى

    default رد: تطور فكرة الزواج فى مصر وبالشكل دة مش هنتجوز خالص

    مُساهمة من طرف ADMIN في الإثنين أغسطس 11, 2008 5:50 am

    يا فرعون 3 ألاف كان زمان دلوقتى 3 من العريس و3 من العروسة لولولولولولى أقصد ععععععععععععععععععععععععع


    نورتوا التوبيك يا جماعة والبقاء لله


      الوقت/التاريخ الآن هو الخميس أكتوبر 19, 2017 12:07 am