منتديات شباب مصر


    معا .. تجمع شبابى يرفع شعار وظيفتنا في ايدينا

    شاطر

    نجم
    عضو جديد
    عضو جديد

    ذكر
    عدد الرسائل : 2
    العمر : 34
    تاريخ التسجيل : 07/07/2008

    default معا .. تجمع شبابى يرفع شعار وظيفتنا في ايدينا

    مُساهمة من طرف نجم في الإثنين يوليو 14, 2008 8:38 pm

    lol!
    معا .. تجمع شبابى يرفع شعار وظيفتنا في ايدينا وليست فى ايدى الحكومة 7/14/2008 9:51:00 AM



    مصراوي - خاص - انطلقت مؤخرا حركة شبابية جديدة اطلق عليها مؤسسيها اسم "معا" تهدف الحركة الى مواجهة البطالة بطرق غير تقليدية وذلك من خلال مساعدة الشباب على التدريب والتأهيل واعدادهم بشكل جيد لدخول اسواق العمل.

    كما تهدف الحركة الى تمكين الشباب من التعايش الايجابى مع ظروف مجتمعه والمساهمة فى خلق فرص عمل حقيقية له دون الاعتماد على الحكومة وقد اكد اسامة الجوادى مؤسس الحركة انه تم بالفعل ايجاد فرص عمل لبعض الشباب بعد تطويرهم ذاتيا وتكثيف الدورات المؤهلة لمواجهة تحديات السوق.

    وأكد ان ه*** العديد من رجال الاعمال يبحثون عن شباب للعمل فى مصانعهم لكن نقص التدريب والتأهيل يعوق استمرار الشباب فى المصانع.

    واشار الجوادى الى ان سبب تسمية الحركة معا هو وجود مجموعة من الشباب تشعر بمشاكل جيلها وتحاول ان تساهم فى حل مشكلاته ومشكلات وطننا العظيم.


    داخل وخارج مصر كمحاسب
    تعليق: بجد انا مدرب للعمل بتاريخ: 7/14/2008 9:20:00 PM

    الطريق الذي مشيت فيه: إليكم آخر سنتين في الكلية درست لغة أنجليزية وكميوتر وتدربت في تخصصي في أكثر من مكان في المحاسبة وتدربت على أستخدام الكميوتر في المحاسبة وبحثت وعملت وتنقلت بين شركات ومصانع في القاهرة وأكتوبر خلال فترة بعد التخرج ولمدة 7 شهور كاملة كنت أترك أنا الشركات أما لضعف المرتب أو لسوء المعاملة وتدني الأحترام ظللت أبحث وأتنقل وأحمس نفسي فوصلت لما كنت أحلم به من معاملة حسنة ومحترمة وآجر جيد وعمل متميز وأحبه وأشعر فيه بالمستقبل الواعد فعبرت متطلبات سوق العمل المحلى إلى العربي ولكني كنت أضع أختيار السفر هو الآخير وأتطلع لدراسة شهادة عالمية في المحاسبة لأقتحام سوق العمل الدولي للعلم وصلت لشباب معاًوكانوا سبب رائع للأمل والصبر وتأكيد على صحة الطريق فوصلت لهم بالصدفة وللعلم امكاناتي المادية متوسطة ووصلت لما أحلم به بس سعيت وتوكلت على الله سبحانه وتعالى وكلي أيمان بأن رزقي بيديه وأنما يطلب الرزق بعز الأنفس كما قال الرسول الكريم صلى الله عليه وسلم فعش ايها الأنسان بالأمل بالعمل بالكفاح وقدر قيمة الحياة التي أعطاها لك الله سبحانه وتعالى


    شباب جد جدا
    تعليق: ,mohamed بتاريخ: 7/14/2008 5:55:00 PM

    على فكرة انا معجب اوى بحركة دى وحاسس انها حتعمل حاجة جد وياريت نتفال خير مش كل حاجة نطلع فيها القطط الفتسة وياريت ندعمهم وياريت ونبص لنص الكوبة الملين


    خلينا إيجابيين..دول نموذج مشرف
    تعليق: Hesham بتاريخ: 7/14/2008 5:53:00 PM

    احنا ليه بنهاجم كل حاجة إيجابية؟ يمكن خايفين من التغيير حتى للأحسن؟ يا جماعة احنا طول عمرنا مش عاجبنا حال البلد، وعمالين نتكلم ومش بنعمل حاجة إيجابية. لكن الشباب دول إيجابيين وقرروا يغيروا حالهم وحال غيرهم بإيديهم، لو البلد كلها فكرت زيهم هنبقى أحسن بلد. اللي مش مصدق يروح يحضرلهم ويشوف بعينيه قبل ما يتكلم


    ها؟جاي و لا لأ؟أنا وراك لما
    تعليق: رانيا مسعود بتاريخ: 7/14/2008 5:26:00 PM

    تيجي
    لو جاي من مدينة نصر اركب بقى يا سيدي 121 الأخضر أو 109 و لو جاي من الدراسة اركب 23 و لو جاي من البساتين اركب165 و لو جاي من عند مسرح البالون عدي الكوبري و هتلاقي الساقية بترحب بيك.لو جاي من بولاق اركب من موقف بولاق 92 أو من شارع السودان اتجاه جامعة الدول 103 ممكن لو صعب تلاقي 165 أو 213 اللي بيروحوا الزمالك و بيعدوا على العتبة وأول شارع بورسعيد تقف عند محطة حسن الأكبر أول عابدين و تاخد 609 اللي بيروح الوراق و تنزل عند مسرح البالون و تطلع سلم الزمالك و تنزل من على الكوبري
    أما بقى لو مجاش خد أي مواصلة لكوبري الجلاء و انزل آخره و خد من عند أول النفق على اليمين ميكروباص امبابة الكيت كات و انزل سلم الزمالك قدام البالون و عدي الكوبري برضه
    نفس الحكاية لو جاي من ميدان الجيزة و خدت ميكروباص كيت كات وراق امبابة
    مش معقول كل ده و لسه ما وصلتش
    لو عايزني أخدك من تحت البيت مش فاضية عشان الوقت ثمين جدا و أنا بقضيه في معا
    ممكن تذاكر معانا و تجيب أحسن شغلانة في أتخن حتة في مصر
    مش كده و بس هتعرف كمان دور أيتام و مؤسسات رعاية كبار السن و جمعيات تتطوع فيها و جمعيات بتقدم كورسات بأسعار رخيصة و جمعيات بتدي منح مجانية
    لسه قاعد؟؟؟؟؟
    قوم و اتحرك


    بحضر مع الفريق
    تعليق: مصطفي بتاريخ: 7/14/2008 3:45:00 PM

    السلام عليكم


    تفائلوا بالخير تجدوه

    علينا قبل ان نحكم علي الغير

    ان نتأكد ونتثبت قبل ان نحكم


    كلمه قد تذهب بك الي حيث تريد



    تعالي احضر الفريق مابيخدش فلوس من حد
    المحاضرات مجانيه

    الفريق كل جمعة في ساقية الصاوي بالزمالك تحت كوبري 15مايو و 26يوليو.الفريق ابتدى بستة سبعة و دلوقتي الناس حقيقي مش لاقيين مكان يقفوا يحضروا الندوة.تعالوا و شوفوا بنفسكم.لو جاي من رمسيس اركب عربيات امبابة و الكيت كات و المطار من عند محطة الكهرباء اللي في الإسعاف.لو جاي من العتبة اركب 103 و لو جاي من روكسي اركب92 و لو جاي من الحدايق اركب91


    ايميل المهندس اسامه
    oelgawady
    علي الياهوو
    وجروب الفريق اسمه
    maaan2007
    علي الياهو برده
    خش علي الياهوو ثم
    جروبس واكتب
    maaan2007
    وهتلاقي جروب الفريق


    والسلام ختام


    انا عضوة فى معا
    تعليق: سماح بتاريخ: 7/14/2008 1:29:00 PM

    لكل الناس اللى مش مصدقة اننا بنعمل حاجة بجد وانها مجرد هوجة او حماس "اقولهم لا ومليون لا"الفرق بينا وبين اى تجمع تانى اننا"معا"ومعا دى محدش هيفهم معناها غير اللى ييجى ويحضر ويشوف بنفسه ويؤمن زى ما احنا مؤمنين بيها وبفكرتنا اللى هتوصل للكل وبكرة ان شاء الله شباب معاهيكبروا وهما اللى هيمسكواكل المراكزفى البلد كبيرة كانت او صغيرة ببساطة لاننا متاكدين ان مصر محتاجنا احنا بمعنى اصح محتاجة معاواحترامى للى بيقول "مين هيوصلهم المحسوبية الكوسة يعنى" احب اقوله انى انت من جواك مقتنع بكده ده كان زمااااااااااان "دلوقتى اللى عايز يوصل هيوصل ولواحده يتوكل على ربنا وحده" تعالى فى معا وانت تشوف وتسمع نماذج انت اصلا ما تتخيلش انها تبقى موجودة احنا شباب بجد شباب معاوكمان اللى بيقول دول هياخدوا وقتهم ويهبطوا احب اقولك يااستاذى الفاضل احنا بقالنا سنة وكام شهر تقريبا كل يوم فى جديد ودفعات وناس بتطلع عباقرة مننا واللى بيقول دول اسم لجمعية خيرية ومالوا الخير جوانا كلنا وزى ما بناخد من البلددى لازم نديهاواحترامى لكل واحد علق تعليق ملوش لزوم على الفريق بس انتوا معذورين لاننا عاننا كتير من السلبيةوالمحسوبيةبس خلاص بقى مش لما تجيلنا الفرصة للتغيير نقول لا انتوا كدابين تعالوا وشوفوا بنفسكوافى ساقية عبد المنعم الصاوى الزمالك يوم الجمعة من الساعة4الى الساعة7واهلا بيكوا وتشرفونا فى اى وقت واللى هييجى ويشوف ان شاء الله هيبقى زينا واحسن انشاء الله بايمانه بالفكرة واسفة انى طولت عليكوا سلام عليكم ولايغير الله ما بقوم حتى يغيروا ما بانفسهم "استودعكم الله


    كده حرام يا جماعه
    تعليق: محمد مجدي بتاريخ: 7/14/2008 1:03:00 PM

    على فكره يا جماعه الجروب ده على الياهو وكل اللي عليك إنك بس تشترك فيه عشان توصلك رسايله اللي هتلاقي فيها دورات ووظايف وكورسات وندوات وحاجات كلها مفيده والناس اللي فيه مش عايزين شهره ولا حاجه ولا تبع أي جمعيه خيريه ولا حاجه إحنا بس اللي مش عاوزين نحاول
    مش هتخسر حاجه . قبل ما تتهموا الناس دي وتحكموا عليهم شوفوا شغلهم الأول وبعدين إحكموا براحتكم
    عنوان الجروب:
    http://groups.yah...
    بجد أنا زعلت فعلا عشان اللي قريته من تعليقات فوق كلها سلبيه وإحباط محبش إني أشوفهم في شباب مصر
    سلاااااااااااااام

    بيانات التواصل
    تعليق: masry بتاريخ: 7/14/2008 12:57:00 PM

    يا جماعة دي مجموعة ممتازة ومحترمة وفعلا بتساعد الشباب أو نقدر نقول ان كل المشتركين بيساعدوا بعض. وإيميل مؤسس المجموعة المهندس أسامة الجوادي هو( oelgawady@yahoo.c... ما حدش يكتب تعليقات سلبية وهو مش فاهم حاجة


    مش مصدق ليه؟تعالى و أنت هتشوف
    تعليق: رانيا مسعود بتاريخ: 7/14/2008 12:56:00 PM

    واحدة من الفريق هي أنا و الفريق كل جمعة في ساقية الصاوي بالزمالك تحت كوبري 15مايو و 26يوليو.الفريق ابتدى بستة سبعة و دلوقتي الناس حقيقي مش لاقيين مكان يقفوا يحضروا الندوة.تعالوا و شوفوا بنفسكم.لو جاي من رمسيس اركب عربيات امبابة و الكيت كات و المطار من عند محطة الكهرباء اللي في الإسعاف.لو جاي من العتبة اركب 103 و لو جاي من روكسي اركب92 و لو جاي من الحدايق اركب91 و لو مش جاي تبقى أكيد وفرت لغيرك فرص كتيييييييييييييير للشغل و عشان يطوروا شخصياتهم
    على فكرة بندي دروس إنجليزي جماعية و تنمية بشرية.و لازم تسجلوا على الجروب و ابعتوا للمهندس علىoelgawady@yaho...

    فعلا
    تعليق: ايمن بتاريخ: 7/14/2008 12:51:00 PM

    فعلا فيه فجوة كبيرة ازى ما بين احتياجات سوق العمل وبين التاهيل العلمى الذى يحدث فى جامعاتناوالموضوع محتاج من الشباب شوية جهد مش يكتفى بانه اخد شهادة من اى حته وخلاص.

    تخيلوا انا شركتى بقالها اكتر من سنتين بتدور على حد كويس لكن اللاسف ما كناش لاقيين.

    هو طبعا فيه ناس كتير كويسين بس شركاتهم مش بيتسيبهم.

    ربنا يوفقك الجميع


    يا رب ينجحوا
    تعليق: الخير موجود بتاريخ: 7/14/2008 11:09:00 AM



    أغرب حاجة فى الناس الى بتعلق على المواضيع, أن كله بيعلق على المواضيع السلبيه, الحمد لله فى أيجابيها أهو , لازم كلنا نساعد الناس دول بأي شكل من الأشكال

    المشكلة مش مشكلة حكومة , ديه مشكلة ثقافة الشعب الى رافض حتى يتعلم

    [b]

      الوقت/التاريخ الآن هو الأربعاء نوفمبر 22, 2017 6:46 pm